Latest topics
» தகர்க்க முடியாத கோட்டைப் பங்குகள்!by தருண் Mon Aug 07, 2017 11:27 am
» ஸ்மால் & மிட் கேப் ஃபண்ட் முதலீடு... - கவனிக்க வேண்டிய 10 விஷயங்கள்!
by தருண் Fri Jul 21, 2017 10:09 am
» ஆவணங்களை லேமினேட் செய்வது சரியா?
by தருண் Fri Jul 21, 2017 10:04 am
» வருமான வரிச் சலுகைகள் & முதலீடுகள்! - நில்... கவனி... செய்!
by தருண் Fri Jul 21, 2017 10:00 am
» வருமான வரிக் கணக்குத் தாக்கல்... தவிர்க்க வேண்டிய 10 தவறுகள்!
by தருண் Thu Jul 20, 2017 9:47 am
» அரசு ஊழியர்களுக்கு வருமான வரிக் கணக்கீடு எப்படி?
by தருண் Thu Jul 20, 2017 9:44 am
» இயற்கைப் பேரழிவிலிருந்து காக்கும் காப்பீடுகள்!
by தருண் Thu Jul 20, 2017 9:40 am
» இஎல்எஸ்எஸ் ஃபண்ட் யாருக்கு ஏற்றது?
by தருண் Thu Jul 20, 2017 9:38 am
» பைசா பங்குகளில் முதலீடு செய்யலாமா?
by தருண் Thu Jul 20, 2017 9:37 am
» வருமான வரிக் கணக்கு தாக்கல் இனி ஈஸிதான்!
by தருண் Thu Jul 20, 2017 9:35 am
பங்கு தரகுக் கட்டணங்கள்: கவனிக்க வேண்டிய விஷயங்கள்!
Page 1 of 1
பங்கு தரகுக் கட்டணங்கள்: கவனிக்க வேண்டிய விஷயங்கள்!
பங்குச் சந்தையில் தினமும் பங்கை வாங்கி விற்கும்போதும், நீண்ட கால முதலீட்டு நோக்கில் பங்கை வாங்கி, விற்கும்போதும் என்னென்ன கட்டணங்கள் கட்ட வேண்டும் என்பது பலருக்கும் தெரிவதில்லை. இதனால் லாபம் அல்லது நஷ்டத்தை சரியாகக் கணக்கிட முடிவதில்லை. பங்கை வாங்கி, விற்கும்போது கட்ட வேண்டிய தரகுக் கட்டணங்கள் என்னென்ன என்று கார்வி ஸ்டாக் புரோக்கிங் நிறுவனத்தின் துணைத் தலைவர் ரெஜி தாமஸிடம் கேட்டோம். விரிவாக விளக்கினார்.
‘‘இந்தியாவில் பங்கு முதலீடு குறித்த விழிப்பு உணர்வு தற்போதுதான் அதிகரித்து வருகிறது. அதனால், முதலீட்டாளர்களை தக்கவைத்துக் கொள்ள தரகு நிறுவனங்கள் தரகு மற்றும் கையாளுதல் கட்டணங்களில் சலுகைகளை அளிக்கின்றன.
சில தரகு நிறுவனங்கள், பங்குச் சந்தையில் டெலிவரி அடிப்படையில் பங்கு வாங்குபவர் களுக்கு தரகுக் கட்டணம் எதுவும் வசூலிப்பதில்லை. சில தரகு நிறுவனங்களில் ஆண்டு அல்லது மாதத்துக்கு குறிப்பிட்ட தொகையை தரகுக் கட்டணமாகச் செலுத்திவிட்டால் போதும், அதன் பிறகு எத்தனை முறை டிரேட் செய்தாலும் கட்டணம் எதுவும் செலுத்த வேண்டியதில்லை. எனவே, நீங்கள் டெலிவரி எடுக்கப் போகிறீர்களா, இன்ட்ரா டே டிரேடரா என்பதைப் பொறுத்து, தரகுக் கட்டணம் கூடும் அல்லது குறையும்.
சில பெரிய நிறுவனங்கள் கையாளுதல் கட்டணம் வாங்குவதில்லை. அவர்கள் முதலீட்டாளர்களுக்கு ஸ்டேட்மென்ட்டுகள், கான்ட்ராக்ட் நோட்களை மின்னஞ்சல் மூலமாக அனுப்பிவிடுவதே காரணம்.
உதாரணமாக ஒருவர், அசோக் லேலாண்ட் பங்கை 100 ரூபாய் என்கிற விலையில் 100 பங்கு கள் வாங்குகிறார் என்றால், மொத்தம் 10,000 ரூபாய் செலவிட்டிருப்பார். அந்த பங்குகளை 110 ரூபாய்க்கு அதிகரித்ததும் விற்கிறார். வாங்கும் போது 10,000 ரூபாய், பங்கை விற்கும் போது 11,000 ரூபாய், ஆக மொத்தத்தில் 21,000 ரூபாய்க்கு டேர்ன் ஓவர் நடந்திருக்கிறது.
இங்கு தரகுக் கட்டணமாக இன்ட்ரா டேக்கு 0.05%, டெலிவரிக்கு 0.5% எடுத்துக் கொள்கிறோம். அதேபோல் தரகு நிறுவனம் குறைந்தபட்ச மாக 25 ரூபாய் வசூலிக்கிறார்கள் என வைத்துக் கொள்வோம்.
தெளிவாக படிக்க படத்தை க்ளிக் செய்யவும்
தரகுக் கட்டணம், கையாளுதல் கட்டணம்!
மேற்கூறிய உதாரணத்தில் 10,000 ரூபாய்க்கு இன்ட்ரா டே வர்த்தகத்தில் பங்குகளை வாங்கினால் தரகு கட்டணம் (10,000x0.05/100) ரூ. 5. அதே நாளில், 11,000 ரூபாய்க்கு அதே பங்குகளை விற்றால் தரகு கட்டணம் (11,000x0.05/100) ரூ.5.5. ஆக மொத்தத்தில் இன்ட்ரா டேவில் அசோக் லேலாண்ட் பங்கை வாங்கி, விற்றதில் தரகுக் கட்டணம் 10.5 ரூபாய்தான்.
சில தரகு நிறுவனங்கள் இதற்குப் பதிலாக குறைந்தபட்சமாக 25 ரூபாய் தரகுக் கட்டணம் வசூலிக்கிறது. இன்ட்ரா டேவைப் பொறுத்த வரை ஒரே நாளில் வாங்கி விற்று விடுவதால், வாங்குவதற்கு தனியாகவும், விற்பதற்கு தனியாகவும் ஸ்டேட்மென்ட்களும், கான்ட்ராக்ட் நோட்களும் கொடுக்க வேண்டிய அவசியமில்லை. எனவே, பங்கை வாங்குவதற்கான தரகுக் கட்டணம் + விற்கும் போது தரகுக் கட்டணம் = ரூ. 10.5. மீதமுள்ள 14.5 ரூபாய் கையாளுதல் கட்டணமாக வசூலிக்கப்படும்.
இதே பரிவர்த்தனைகளை டெலி வரிக்கு கணக்கிட்டுப் பார்ப்போம். ஒருவர் 10,000 ரூபாய்க்கு பங்குகளை வாங்குகிறார் என்றால் (10,000x0.5/100) 50 ரூபாய் தரகுக் கட்டணமாகச் செலுத்த வேண்டும்.
டெலிவரியைப் பொறுத்தவரை, பங்கை வாங்கியதற்கு தனியாக கான்ட்ராக்ட் நோட்கள், ஸ்டேட்மென்ட் கள் வழங்கப்படும். எனவே, தரகுத் தொகை போக மீதமுள்ள தொகை கையாளுதல் கட்டணமாக வசூலிக்கப்படும். இங்கு தரகுத் தொகை, குறைந்தபட்சமாக முதலீட்டாளரிடமிருந்து பெற வேண்டிய 25 ரூபாய் தொகையைவிட கூடுதலாக இருப்பதால் கையாளுதல் கட்டணம் வசூலிக்கப்படவில்லை. அதேபோல் வாங்கிய பங்குகளை சில நாட்களுக்குப் பிறகு 11,000 ரூபாய்க்கு விற்கிறார் என்றால் (11,000x0.5/100) 55 ரூபாய் தரகுக் கட்டணமாக கொடுக்க வேண்டும்.
டெலிவரியைப் பொறுத்தவரை பங்கை விற்பதற்கும் தனியாக கான்ட்ராக்ட் நோட்கள், ஸ்டேட்மென்ட்கள் வழங்கப்படும். எனவே, தரகுத் தொகை போக மீதமுள்ள தொகை கையாளுதல் கட்டணமாக வசூலிக்கப்படும். இங்கு தரகுத் தொகையே குறைந்தபட்சமாக முதலீட்டாளரி டமிருந்து பெற வேண்டிய 25 ரூபாய் தொகையை விட கூடுதலாக இருப்பதால் கையாளுதல் கட்டணம் வசூலிக்கப்படவில்லை. இனி இதர கட்டணங்களையும் பார்ப்போம்.
சேவை வரி (Service Tax)
இன்ட்ரா டே : நாம் ஏற்கெனவே தரகருக்கு செலுத்திய தரகுக் கட்டணம் மற்றும் கையாளுதல் கட்டணத்தில் 15% சேவை வரியாக வசூலிக்கப்படும்.தரகுக் கட்டணம் (வாங்கியது 5.0 + விற்றது 5.5) + கையாளுதல் கட்டணம் (வாங்கியது 20 + விற்றது 19.5) = 50. எனவே, 50x15/100 = 7.5 ரூபாய் கட்ட வேண்டும்.
டெலிவரி: நாம் ஏற்கெனவே தரகருக்கு செலுத்திய தரகுக் கட்டணம் மற்றும் கையாளுதல் கட்டணத்தில் 15% சேவை வரியாக வசூலிக்கப்படும்.தரகுக் கட்டணம் (வாங்கியது 50 + விற்றது 55) + கையாளுதல் கட்டணம் 0 = 105. எனவே, 105x15/100 = 15.75 ரூபாய் சேவை வரியாகக் கட்ட வேண்டும்.
க்யூரிட்டி டிரான்சாக்ஷன் டாக்ஸ் (Security Transaction Tax)
இன்ட்ரா டே : 0.025% கணக்கிடப்படும். இந்தக் கட்டணம் மொத்த டேர்ன் ஓவரில் கணக்கிடப்பட வேண்டும். எனவே, பங்கு வாங்கியது ரூ.10,000 + பங்கு விற்றது ரூ.11,000 என மொத்தம் ரூ.21,000. இந்த 21,000x0.025 / 100 = 5.25 ரூபாய் எஸ்.டி.டி. கட்டணமாகக் கட்ட வேண்டும்.
டெலிவரி : 0.1% கணக்கிடப்படும். இந்தக் கட்டணத் துக்கு மொத்த டேர்ன் ஓவரில் கணக்கிட வேண்டும். எனவே, பங்கு வாங்கியது ரூ.10,000 + பங்கு விற்றது ரூ.11,000 என மொத்தம் ரூ.21,000. எனவே, ரூ.21,000x0.1/100 = 21 ரூபாய் கட்ட வேண்டும்.
டிரான்சாக்ஷன் ஃபீஸ் (Transaction Fees)
இந்தக் கட்டணத்தை மொத்த டேர்ன் ஓவரில் கணக்கிட வேண்டும். எனவே, பங்கு வாங்கியது 10,000 + பங்கு விற்றது 11,000 = 21,000. எனவே, 21,000x0.00325/100 = 0.32 டிரான்சாக்ஷன் கட்டணமாக வாங்கப்படும்.
செபி டேர்ன் ஓவர் டாக்ஸ் (Sebi Turn Over Fees)
இந்தக் கட்டணத்தையும் மொத்த டேர்ன் ஓவரில் கணக்கிட வேண்டும். எனவே, பங்கு வாங்கியது 10,000 + பங்கு விற்றது 11,000 = 21,000. எனவே, 21,000x0.0002/100 = 0.02 ரூபாய் செபி டிரான்சாக்ஷன் டாக்ஸாக வாங்கப்படும்.
முத்திரைத்தாள் கட்டணம் (Stamp uty)
இதுவும் மொத்த டேர்ன் ஓவரில் கணக்கிட வேண்டும். எனவே, பங்கு வாங்கியது 10,000 + பங்கு விற்றது 11,000 = 21,000. எனவே, 21,000*0.15/2500=1.26 ரூபாய் முத்திரைத் தாள் கட்டணமாக வாங்கப்படும். முத்திரைத் தாள் கட்டணம் மாநிலத்துக்கு மாநிலம் மாறுபடும்’’ என்றார் ரெஜி தாமஸ்.
இனியாவது தரகரைத் தேர்வு செய்யும்போது, இந்தக் கட்டணங்களை கவனிப்பீர்கள்தானே!
தருண்- Posts : 1293
Join date : 08/10/2013
Similar topics
» பங்கு முதலீட்டில் கட்டாயம் கவனிக்க வேண்டிய 5 விஷயங்கள்!
» முதல்முறை முதலீட்டாளர்கள் கவனிக்க வேண்டிய 10 விஷயங்கள்!
» லேப்டாப் வாங்கும்போது கவனிக்க வேண்டிய விஷயங்கள்!
» கம்பெனிகள் இணைப்பு... கவனிக்க வேண்டிய 10 விஷயங்கள் !
» கவனிக்க வேண்டிய 10 விஷயங்கள்! டிவிடெண்ட் பங்குகளை வாங்கும்போது...
» முதல்முறை முதலீட்டாளர்கள் கவனிக்க வேண்டிய 10 விஷயங்கள்!
» லேப்டாப் வாங்கும்போது கவனிக்க வேண்டிய விஷயங்கள்!
» கம்பெனிகள் இணைப்பு... கவனிக்க வேண்டிய 10 விஷயங்கள் !
» கவனிக்க வேண்டிய 10 விஷயங்கள்! டிவிடெண்ட் பங்குகளை வாங்கும்போது...
Page 1 of 1
Permissions in this forum:
You cannot reply to topics in this forum
|
|