வாராக்கடனை வசூலிக்க கடன் மீட்பு சட்டத்துக்கு ஒப்புதல்

கடனை மீட்பதற்கான சட்ட திருத்தம் கொண்டு வர மத்திய அமைச்சரவை நேற்று ஒப்புதல் அளித்துள்ளது. இந்த சட்ட திருத்தம் கொண்டு வருவதன் மூலம் தொழிலை எவ்வித சிரமும் இன்றி நடத்துவதுதான் நோக்கமாகும்.

வாராக் கடனை வசூலிக்க இந்த சட்டம் உதவும் என்று இது குறித்து விவரித்த மத்திய தொலைத் தொடர்புத்துறை அமைச்சர் ரவி சங்கர் பிரசாத் தெரிவித்தார்.

இந்த மசோதா மக்களவையில் கடந்த மாதம் அறிமுகம் செய்யப் பட்டது. 2002-ம் ஆண்டு கொண்டு வரப்பட்ட சர்பாசி சட்டத்தில் திருத் தம் கொண்டு வர முடிவு செய்யப் பட்டு திருத்தங்கள் செய்யப்பட் டுள்ளன. வங்கி மற்றும் நிதி நிறு வனங்களின் கடனை வசூலிக்கும் 1993-ம் ஆண்டு சட்டம், இந்திய முத்திரைத்தாள் சட்டம், ஆகியவற் றில் உரிய திருத்தங்கள் செய்யப்பட் டுள்ளதாக அவர் குறிப்பிட்டார்.

இந்த சட்டம் குறித்து பொதுமக் கள், நிறுவனங்கள் உள்ளிட் டவை இம்மாதம் 22-ம் தேதிக்குள் கருத்துகள் மற்றும் ஆலோசனை களை தெரிவிக்கலாம் என நாடாளு மன்ற கூட்டுக் குழு கேட்டுக் கொண்டுள்ளது.

வங்கிகளின் வாராக் கடன் அளவு ரூ.8 லட்சம் கோடி அளவுக்கு உயர்ந்துள்ளது. அதை மீட்பதற்காக இந்த சட்டத்தை மத்திய அரசு கொண்டு வந்துள்ளது.

இந்த சட்டத்தின்படி சொத்து மீட்பு நிறுவனங்களை முறைப்படுத்தும் அதிகாரம் ஆர்பிஐக்கு அளிக்கவும், முன்னுரிமை அடிப்படையில் வங்கி கள் கடன் வழங்குவது, வசூலிப்பது உள்ளிட்டவற்றை ஆர்பிஐ முடிவு செய்யும். கடன் மீட்பு ஆணையம் (டிஆர்டி) முன்பு 70 ஆயிரம் வழக்கு கள் நிலுவையில் உள்ளன. புதிய சட்டம் இந்த வழக்குகளை விரைந்து முடிக்க வழிவகுக்கும்.