ஆண்ட்ராய்ட் 4.3 Jelly Bean வசதிகள்

by தருண் Mon Jan 20, 2014 10:50 am

கூகிள் தனது ஆண்ட்ராய்ட் ஜெல்லி பீன் 4.2 இயங்குதளத்தை அப்டேட் செய்து புதிய பதிப்பாக 4.3 வெளியிட்டிருக்கிறது. இதனை Chrome & Android க்கான தலைமை அதிகாரியான சுந்தர் பிச்சை வெளியிட்டார். மேலும் இது மட்டுமின்றி புதிய Nexus 7 டேப்ளட் மற்றும் Chromecast என்ற புதிய கருவி போன்றவற்றையும் அறிவித்தார். சரி ஆண்ட்ராய்ட் 4.3 பதிப்பில் என்னென்ன வசதிகள் என்று பார்ப்போம்.

ஆண்ட்ராய்ட் 4.3 Jelly Bean வசதிகள் Android-4.3-jelly-bean-update-features-stats-1

ஆண்ட்ராய்ட் 4.3 Jelly Bean வசதிகள் Android-4.3-jelly-bean-update-features-stats-1

1. Restricted Profiles - ஒரே மொபைல் அல்லது டேப்ளட்டில் (Tablet PC) பல பயனர்களை (Users) உருவாக்கலாம். இதன் மூலம் அவர்களுக்கு என ஒதுக்கப்பட்ட தகவல்கள், பயன்பாடுகளை (Apps) மட்டுமே பார்க்கவும் பயன்படுத்தவும் முடியும். உங்கள் மொபைலை அல்லது டேப்ளட்டை குழந்தைக்குக் கொடுக்கிறீர்கள் எனில் என்ன பார்க்க வேண்டும் என நாம் கட்டுப்படுத்தலாம்.

2. Bluetooth Smart – இந்த வசதி குறைவான மின்சக்தியில் அதிக நேரம் மற்ற புளுடூத் சாதனங்களோடு இணைந்திருக்க வழி செய்கிறது. மேலும் தொழில்நுட்பத்தில் புதிய வரவுகளான Smart Watch களுடனும் இணைய முடியும்.

3. OpenGL ES 3.0 – இந்தத் தொழில்நுட்பம் ஆண்ட்ராய்டில் உயர்தரமான 2D மற்றும் 3D கிராபிக்ஸ் வசதியினை அளிக்கிறது. எனவே நீங்கள் High Performance விளையாட்டுகளை விளையாட முடியும்.

4. Dial-pad auto complete - குறிப்பிட்ட நபருக்கு டயல் செய்யும் போது தானாகவே முழு மொபைல் நம்பரும் வருகிற மாதிரியான வசதி

5. இயங்குதளம் முன்பை விட விரைவாக இயங்கும்படி மேம்படுத்தப்பட்டுள்ளது.

6. மேலும் ஹிந்தி, அரபிக் உட்பட சில மொழிகளுக்கான ஆதரவு.

பொன்மலர்