மகாநகர் ஐபிஓ: 65 மடங்குக்கு விண்ணப்பங்கள் குவிந்தன

by தருண் Fri Jun 24, 2016 10:51 am

நேற்று முடிவடைந்த மகாநகர் பொதுப் பங்கு வெளியீட்டுக்கு (ஐபிஓ) முதலீட்டா ளர்களிடமிருந்து விண்ணப்பங்கள் குவிந்துள்ளன. ஐபிஓ தொகையை விட 65 மடங்குக்கு விண்ணப்பங்கள் வந்துள்ளன.

கடந்த செவ்வாய்க்கிழமை இதற் கான பங்கு விற்பனை தொடங்கியது. முதல் நாளிலேயே ஒரு மடங்குக்கு மேல் விண்ணப்பங்கள் வந்திருந்தன. இரண்டாம் நாளில் 3.92 மடங்குக்கு விண்ணப்பங்கள் வந்திருந்தன. மூன்றாம் நாளான நேற்று அதிகளவில் விண்ணப்பங்கள் குவிந்தன. இறுதியாக நிர்ணயம் செய்திருந்த தொகையை விட 65 மடங்குக்கு விண்ணப்பங்கள் வந்திருந்தன.

இந்த ஐபிஓ மூலம் ரூ.1,040 கோடி திரட்ட நிறுவனம் முடிவு செய்திருக்கிறது. ஒரு பங்கு விலையாக ரூ.380 முதல் 421 ரூபாய் வரை நிர்ணயம் செய்யப்பட்டிருக்கிறது. சிறு முதலீட்டாளர்கள், நிறுவன முதலீட்டாளர் என அனைத்து பிரிவுகளிலும் இந்த ஐபிஓவுக்கு விண்ணப்பங்கள் குவிந்தன.

கடந்த மே மாதம் பாரக் மில்க் பூட்ஸ் நிறுவனத்தின் ஐபிஓ வெளியானது. சமீப காலங்களில் ஐபிஓவுக்கு முதலீட்டாளர்களிடமிருந்து நல்ல வரவேற்பு கிடைத்து வருகிறது. தவிர பட்டியலிட்ட பிறகு இந்த பங்குகளில் நல்ல விலையேற்றம் இருக்கிறது.

இந்த ஐபிஓ மூலம் ஏற்கெனவே இருக்கும் கெயில் மற்றும் பிஜி ஏசியா ஆகிய முதலீட்டாளர்கள் 500 கோடி ரூபாய் அளவுக்கு பங்குகளை விற்கின்றனர். இந்த நிறுவனத்தின் 10 சதவீத பங்குகள் மஹாராஷ்டிர அரசு வசம் உள்ளன.

விரைவில் வோடபோன்

ஐபிஓ சந்தைக்கு வரவேற்பு கிடைத்திருக்கும் நிலையில் வோடபோன் நிறுவனம் ஆகஸ்ட் மாதத்தில் ஐபிஓவுக்கு விண்ணப்பிக்கும் என்று தெரிகிறது.

--தி இந்து

மகாநகர் ஐபிஓ: 65 மடங்குக்கு விண்ணப்பங்கள் குவிந்தன﻿